„წიგნის საჯაროდ კითხვის მსოფლიო დღე“ მსოფლიოში ცნობილი ღონისძიებაა და მას ყოველწლიურად მსოფლიოს 100-ზე მეტ ქვეყანაში აღნიშნავენ, ღონისძიებაში მონაწილეთა რაოდენობა 31 მილიონამდე აღწევს. საქართველოში წიგნის საჯაროდ კითხვის მსოფლიო დღე, უკვე მესამედ, 2018 წლის 1 თებერვალს ჩატარდა, წიგნის საჯაროდ კითხვის მსოფლიო დღის თარიღი საქართველოს წიგნის გამომცემელთა და გამავრცელებელთა ასოციაციის პარტნიორმა ორგანიზაცია "Litworld" -მა გამოაცხადა.
ამ ლამაზ და უკვე ტრადიციად ქცეულ ღონისძიებას შპს "მერაბ ჭოხონელიძის საავტორო სოლის" II-დ კლასის მოსწავლეებიც შეუერთდნენ. მოვაწყეთ წიგნების გამოფენა, რომელსაც ყოველდღიურად სკოლაში ვიყენებთ დამატებით ლიტერატურად , საჯაროდ წავიკითხეთ ეზოპეს იგავები, ვისაუბრეთ წაკითხულ წიგნებზე და დავგეგმეთ სამომავლოდ წავიკითხოთ "ჯელსომინო ცრუთა ქვეყანაში".
Комментариев нет:
Отправить комментарий